Գազայի հատվածին իսրայելական ռազմական հարվածների հետևանքով զոհերի թիվը վերջին 24 ժամում հասել է 63-ի, հայտնում է Al Jazeera քաթարյան հեռուստաալիքը։Երկուշաբթի օրը Գազայի հատվածին Իսրայելի պաշտպանության բանակի հարվածների արդյունքում առնվազն 63 պաղեստինցի է զոհվել, ևս «տասնյակները վիրավորվել են»։
Հեռուստաալիքը նշում է, որ վերջին 24 ժամվա ընթացքում անկլավի մի քանի շրջաններ ենթարկվել են զանգվածային ռմբակոծությունների և հրետանային հրետակոծությունների՝ ներառյալ փախստականների ճամբարները Նուսեյրաթում և Աշ-Շուջայայում, որոնք գտնվում են հատվածի կենտրոնական մասում, ինչպես նաև հարավում գտնվող Խան Յունիս և Ռաֆահ քաղաքները։
Ավելի վաղ եգիպտական Al-Qahira al-Ikhbariya հեռուստաալիքը հայտնել էր, որ Գազայի հատվածում Իսրայելի ռմբակոծությունների զոհ է դարձել 45 պաղեստինցի։
