Իտալական նորաձևության խոշոր OTB հոլդինգը, որը ներառում է Diesel, Jil Sander և Maison Margiela բրենդները, գնահատում է ապրանքների գների հնարավոր բարձրացման չափը ԱՄՆ շուկայում՝ նոր մաքսատուրքերի ուժի մեջ մտնելու պարագայում։ Ընկերության գլխավոր տնօրեն Ուբալդո Մինելլին նշել է, որ իրականացվում են սցենարային հաշվարկներ, որոնք ցույց են տալիս, որ OTB-ն ստիպված կլինի գները բարձրացնել միջինում 8-9 տոկոսով՝ տուրքերի բացասական ազդեցությունը մեղմելու համար։ Ընկերությունը մոտեցումը մշակում է ըստ բրենդի , հայտնում է Reuters-ը ։
OTB-ի հիմնադիր Ռենցո Ռոսսոն ևս հաստատել է, որ ընկերությունն ունի բորսա դուրս գալու նպատակ, սակայն սպասում է համապատասխան շուկայական պայմանների։ Եվրոպական այլ նորաձևության բրենդներ, այդ թվում՝ Hermès-ը և Prada-ն, նույնպես քննարկում են գների բարձրացում՝ ԱՄՆ կառավարության նոր մաքսային քաղաքականության հետևանքով։ Hermès-ն արդեն հայտնել է, որ լրիվությամբ կփոխանցի այդ հավելյալ ծախսը սպառողին։
