ԱՄՆ առաջնորդների կողմից Իրանի միջուկային ծրագրի «լիակատար վերացման» մասին հայտարարությունները ապակառուցողական են և միայն խոչընդոտում են գործարքի կնքմանը։ Այս մասին հայտարարել է Իրանի արտաքին գործերի նախարարության պաշտոնական ներկայացուցիչ Իսմայիլ Բաղաեին, փոխանցում է «ՌԻԱ Նովոստի»-ն։
«Իրանը միշտ եղել է դիվանագիտական մոտեցման կողմնակից և պնդում է գործարքի շուրջ բանակցությունների շարունակման վրա», - ասել է արտգործնախարարության խոսնակը։
Ապրիլի 26-ին ավարտվեց ԱՄՆ-ի և Իրանի միջև բանակցությունների երրորդ փուլը՝ երկրի միջուկային ծրագրի և Թեհրանի նկատմամբ պատժամիջոցների վերացման վերաբերյալ։ Ամերիկյան պատվիրակությունը գլխավորում էր նախագահ Դոնալդ Թրամփի հատուկ դեսպանորդ Սթիվեն Վիտկոֆը, իսկ իրանական պատվիրակությունը՝ արտաքին գործերի նախարար Աբբաս Արաղչին։ Օմանի արտաքին գործերի նախարարության տվյալներով՝ կողմերը քննարկել են համաձայնագիր, որը ենթադրում է Իրանի կողմից միջուկային զենքի մշակումից լիակատար հրաժարում՝ պատժամիջոցների վերացման դիմաց, միաժամանակ պահպանելով Թեհրանի իրավունքը՝ զարգացնելու խաղաղ միջուկային էներգիան։
Մեկ օր առաջ ԱՄՆ պետքարտուղար Մարկո Ռուբիոն, Թեհրանի և Վաշինգտոնի միջև բանակցությունների չորրորդ փուլից առաջ, հայտարարել էր, որ եթե Իրանի իշխանությունները ցանկանում են խաղաղ միջուկային էներգիա, ապա նրանք պետք է թույլ տան ցանկացած տեսակի տեսուչների մուտքը համապատասխան օբյեկտներ։
Թարգմանությունը՝ Euromedia24.com-ի
