Ֆրանսիայի կառավարությունը մտադիր է 100 միլիոն եվրո հատկացնել ամերիկացի գիտնականներին երկրում հյուրընկալելու համար՝ ԱՄՆ-ում գիտական հետազոտությունների ֆինանսավորման կրճատման ֆոնին։ Այս մասին հայտարարել է հանրապետության նախագահ Էմանուել Մակրոնը՝ Սորբոնում մեկնաբանելով Փարիզի մասնակցությունը «Ընտրիր Եվրոպան» ծրագրին՝ ամբողջ աշխարհից գիտնականներին ԵՄ ներգրավելու նպատակով։
«Պետությունը լրացուցիչ 100 մլն եվրո կհատկացնի»,- նշել է նա։
Նրա խոսքով՝ «Եվրոպան պետք է դառնա գիտնականների ապաստարան»։ «Նպատակն այնքան հետազոտող է, որքան անհրաժեշտ է՝ հաշվի առնելով թեկնածուների որակը»,- նշել է Մակրոնը։ «Դոկտորանտներից և կրտսեր դասախոսներից մինչև Նոբելյան մրցանակակիրներ».
ԵՄ երկրները և Մեծ Բրիտանիան ակնկալում են, որ զգալի թվով ամերիկացի գիտնականներ կտեղափոխվեն աշխատելու եվրոպական հետազոտական և կրթական հաստատություններում՝ ԱՄՆ վարչակազմի կողմից պետական ծախսերը կրճատելու քաղաքականության ֆոնին:
