Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլումԱՄՆ զինվորականները մի շարք հարվածներ են հասցրել Սանայում տեղակայված թիրախներին, որը գրավել էին հութիները՝ «Անսար Ալլահ» ապստամբ շարժումից։ Այս մասին հայտնում է Al Arabiya հեռուստաալիքը։
Դրա աղբյուրների համաձայն՝ ԱՄՆ-ը առնվազն երեք ավիահարված է հասցրել այն պահեստներին, որոնք օգտագործում էին հութիները՝ Սանայի հարավում գտնվող Աս-Սավադ շրջանում զենք պահելու համար:
Ավելի վաղ «Անսար Ալլահ»-ի կողմից վերահսկվող Al Masirah հեռուստաալիքը հայտնել էր, որ ԱՄՆ-ը մի շարք հարվածներ է հասցրել Սանային և Ալ Հոդեյդա նահանգի Ռաս Իսա նավահանգստին։Մարտի 15-ին Միացյալ Նահանգները նախագահ Դոնալդ Թրամփի հրամանով սկսեց զանգվածային հարվածներ հասցնել հութիների թիրախներին, որոնք վերահսկում են Եմենի տարածքի մոտ մեկ երրորդը։
