Սպիտակ տան ներքին քաղաքականության խորհրդի նախագահ Վինս Հեյլին պաշտոնապես հաստատել է հունիսի 14-ին լայնածավալ զորահանդես անցկացնելու պլանները։ Այդ մասին նա հայտնել է Fox News Digital-ի մեկնաբանությունում։
«Նախագահ Թրամփը ծրագրում է մոնումենտալ տոնակատարություն՝ նվիրված Միացյալ Նահանգների բանակի 250-ամյակին, որը կպատվի ամերիկյան հերոսների յուրաքանչյուր սերնդին», - ասել է Հեյլին։ Նա հիշեցրել է, որ շքերթի օրը համընկնում է նախագահի ծննդյան օրվա և Անկախության պատերազմի առաջին հայրենասերների մահվան տարելիցի հետ։
Նշվում է, որ միջոցառումը դառնալու է հոբելյանական տոնակատարությունների ամենամյա ծրագրի կենտրոնական իրադարձությունը։ Երթին կներկայացնեն ԱՄՆ-ի բոլոր կարևոր պատերազմների, ժամանակակից տեխնոլոգիաների, ակտիվ զինվորական անձնակազմի և ռազմական ակադեմիաների կուրսանտների ներկայացուցիչներ:
Ավելի վաղ The Hill թերթը, վկայակոչելով աղբյուրները, հայտնել էր, որ զորահանդեսը տեղի կունենա հունիսի 14-ին Վաշինգտոնում։ Ըստ Washington City Paper-ի՝ Պենտագոնից Սպիտակ տուն շքերթի մասնակիցների շարասյունը ակնկալվում է, որ կձգվի ավելի քան 6 կմ:
