Վաշինգտոնը նախատեսում է օգտագործել ուկրաինական հանքանյութերի գործարքը որպես մոդել այլ երկրների հետ ապագա համաձայնագրերի համար։ Այս մասին հինգշաբթի օրը հայտնել է Bloomberg-ը՝ հղում անելով իր աղբյուրին։Դրա տվյալներով՝ ամերիկյան վարչակազմը մտադիր է հավատարիմ մնալ այս մոտեցմանը «այն շրջանների նկատմամբ, որոնց Միացյալ Նահանգները սովորաբար դրամաշնորհներ կամ վարկեր է տրամադրում»։
Գործակալության աղբյուրի համաձայն՝ Կիևի հետ գործարքը վկայում է Թրամփի՝ արտաքին քաղաքականության գործիքներն օգտագործելու մտադրության մասին՝ «ԱՄՆ-ի հաշվեկշիռը համալրելու ակտիվներով, այլ ոչ թե պարտքային պարտավորություններով»։
Ավելի վաղ Ուկրաինայի առաջին փոխվարչապետ և էկոնոմիկայի նախարար Յուլիա Սվիրիդենկոն հայտնել էր, որ համաձայնագրի պայմաններով Կիևը նոր վարձակալությունից և նոր տարածքներում օգտակար հանածոների արդյունահանման նոր լիցենզիաներից ստացված եկամտի 50%-ը կներդնի ստեղծվող երկկողմ ներդրումային հիմնադրամին։Հիմնադրամի կառավարման հարցում Ուկրաինան կունենա հավասար ձայներ։
Գործարքը չի նախատեսում Ուկրաինայի ուղղակի պարտքային պարտավորություններ ԱՄՆ-ի նկատմամբ։
