Մեծ Բրիտանիայի բնակիչ Էթել Քեթերհեմը, ով 115 տարեկան է, ճանաչվել է մոլորակի ամենատարեց կենդանի մարդը։ Այս մասին հայտնել է բրիտանական The Daily Telegraph թերթը՝ հղում անելով LongeviQuest երկարակյացների տվյալների բազային։
«115-ամյա բրիտանուհին, որը ծնվել է Էդվարդ VII-ի դարաշրջանում, դարձել է մոլորակի ամենատարեց կենդանի մարդը», - ասվում է հոդվածում։
Ինչպես նշում է հրատարակությունը, կինը ծնվել է 1909 թվականի օգոստոսի 21-ին։ Նա նաև Մեծ Բրիտանիայում վերջին մարդն է, որը ապրել է Էդվարդ VI թագավորի գահակալության տարիներին։
Այս տարվա ապրիլի սկզբին Աֆղանստանում հայտնաբերվել է աշխարհի ամենատարեց մարդը։ Տղամարդը, որը, ենթադրաբար, 140 տարեկան է, ապրում է Աֆղանստանի արևելյան Խոստ նահանգում։
Աքել Նազիրը Tolo լրատվական պորտալի լրագրողներին ասել է, որ մոտ 30 տարեկան է եղել, երբ Աֆղանստանը անկախություն է ձեռք բերել Մեծ Բրիտանիայից։ Նա նաև ասում է, որ ականատես է եղել Աֆղանստանի թագավոր Ամանուլլահ խանի գահակալությանը և բրիտանական տիրապետությունից Անկախության օրվա տոնակատարությանը։
Հոդվածում ասվում է, որ Նազիրի ընտանիքը խնդրում է կառավարությանը փաստաթղթերով հաստատել նրա տարիքը, քանի որ Աֆղանստանում արխիվային աշխատանքը բավականաչափ զարգացած է դրա համար։
Թարգմանությունը՝ Euromedia24.com-ի
