Պենտագոնի քարտուղար Փիթ Հեգսեթը հրամայել է բարեփոխել ԱՄՆ բանակի գնումների և փոխակերպման համակարգը, որի նպատակն է մինչև 2027 թվականը զինել զորքերը հեռահար հրթիռներով, ասվում է ԱՄՆ պաշտպանության նախարարության կայքում։
«Պատերազմում հաղթական հնարավորությունների զարգացումն արագացնելու համար բանակի քարտուղարին հանձնարարված է մինչև 2027 թվականը հեռահար հրթիռներ տեղակայել, որոնք կարող են խոցել շարժվող ցամաքային և ծովային թիրախները», - ասվում է Հեգսեթի հայտարարության մեջ Պենտագոնի կայքում:
Մյուս նպատակները ներառում են մինչև 2026 թվականը յուրաքանչյուր ստորաբաժանման անօդաչու համակարգեր, ցամաքային և օդային թիրախներ ոչնչացնելու միջոցներ, մինչև 2027 թվականը արհեստական ինտելեկտի վրա հիմնված զորքերի կառավարման համակարգի ներդրումը և մինչև 2028 թվականը զինամթերքի բավարար պաշարներ արտադրելու համար արդյունաբերական բազայի արդիականացումը:
