BRICS-ի երկրները պետք է ուժեղացնեն համակարգումն ու համագործակցությունը և նպաստեն տվյալների անվտանգության համընդհանուր գլոբալ կանոնների մշակմանը, ասել է Չինաստանի արտաքին գործերի նախարար Վան Ին՝ BRICS-ի անվտանգության բարձր մակարդակի ներկայացուցիչների հանդիպման ժամանակ։
«Ներկայումս մեծանում են քաղաքականացման, ռազմականացման և կիբերտարածության մասնատման ռիսկերը»,- ասել է Վան Ին, ում խոսքերը հինգշաբթի օրը մեջբերվել են Չինաստանի ԱԳՆ կայքում։
Նա նշել է, որ «Ժամանակ առ ժամանակ տեղի են ունենում լայնածավալ, երկարաժամկետ և համակարգված կիբերհարձակումներ, որոնք ոչ միայն վնասում են համաշխարհային թվային զարգացմանն ու համագործակցությանը, այլև սպառնում են միջազգային խաղաղությանը և անվտանգությանը»։
