Ուկրաինան դեռ չի ստացել ԱՄՆ-ի հետ հանքային ռեսուրսների վերաբերյալ համաձայնագրի վերջնական տեքստը, չորեքշաբթի իր Telegram ալիքում հայտնել է Գերագույն Ռադայի պատգամավոր Ալեքսի Գոնչարենկոն։
RBC-Ukraine գործակալությունը, հղում անելով իր աղբյուրին, ավելի վաղ հայտնել էր, որ Ուկրաինան և ԱՄՆ-ը կարող են համաձայնագիր ստորագրել հանքային ռեսուրսների վերաբերյալ արդեն չորեքշաբթի: Ուկրաինայի կառավարությունն այդ օրը կարող էր հաստատել փաստաթղթի տեքստը։
Պնդվում էր, որ Ուկրաինայի առաջին փոխվարչապետ և էկոնոմիկայի նախարար Յուլիա Սվիրիդենկոն արդեն Վաշինգտոնում է։
«Սվիրիդենկոն դեռ չի մեկնել ԱՄՆ: Ուկրաինական կողմը ձեռքի տակ չունի համաձայնագրի տեքստը: Դեռևս ստորագրման նախապատրաստություն չկա: Ամեն ինչ կարող է փոխվել, բայց ժամը 14.20-ի դրությամբ իրավիճակն այսպիսին է»,- գրել է Գոնչարենկոն։
Financial Times թերթը, հղում անելով ուկրաինացի պաշտոնյաներին, երկուշաբթի օրը հաղորդել է, որ Վաշինգտոնը և Կիևը կարող են այս շաբաթ ստորագրել շրջանակային համաձայնագիր, որն ընդգրկում է Ուկրաինայի բոլոր հանքային ռեսուրսները, ինչպես նաև հիմնական էներգետիկ ակտիվները:
