Ռուսաստանը պատրաստ է ուղիղ բանակցություններ վարել Կիևի իշխանությունների հետ առանց նախապայմանների՝ չնայած Վլադիմիր Զելենսկիի լեգիտիմության հետ խնդիրներին։ Այս մասին հայտարարել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան։
Ռուսական դիվանագիտական առաքելության ղեկավարը նշել է, որ որպես խաղաղությանն ուղղված հերթական քայլ՝ ՌԴ նախագահ Վլադիմիր Պուտինը հայտարարել է մայիսին զինադադարի մասին։
«Մենք հույս ունենք, որ ուկրաինական կողմը կհետեւի մեր օրինակին։
Նման քայլը կարող է նախերգանք դառնալ Ռուսաստանի և Ուկրաինայի միջև առանց որևէ նախապայմանի խաղաղ բանակցությունների սկիզբ, որին մենք պատրաստ ենք՝ չնայած Կիևի վարչակարգի ղեկավարի լեգիտիմության հետ կապված խնդրին», - ասել է նա ՄԱԿ-ի Անվտանգության խորհրդի նիստում ուկրաինական հարցի շուրջ։
