Դատախազները խուզարկել են Հարավային Կորեայի նախկին նախագահ Յուն Սեոկ Յոլի և նրա կնոջ՝ հարավային Սեուլի բնակելի համալիրում գտնվող բնակարանը։ Այս մասին հայտնում է Yonhap լրատվական գործակալությունը։Խուզարկության պատճառը շաման Ջոն Սոնգ Բայի հետ կապերի կասկածներն էին, ում շուրջ սկանդալ էր ծագել։
Ենթադրվում է, որ նա ստացել է ադամանդե վզնոց և թանկարժեք պայուսակ Միասնական եկեղեցու ներկայացուցչից 2022 թվականին նախագահական ընտրություններից անմիջապես հետո՝ նախկին առաջին տիկին Քիմ Գուն Հիին նվիրելու համար:
Դատախազները ապացույցներ են փնտրում այն մասին, որ նվերները տրվել են շամանին և Քիմ Գուն Հիին:
Ապրիլի 4-ին Սահմանադրական դատարանը հաստատեց Յուն Սեոկ Յեոլի իմփիչմենթը։ Ի թիվս այլ բաների, նա կորցրեց իր նախագահական անձեռնմխելիությունը. գործող նախագահը կարող է հետաքննվել միայն ապստամբության և դավաճանության հոդվածներով:
Իրավապահ մարմինները նախկինում խնդիրներ են ունեցել Յուն Սեոկ-յոլի պաշտոնական նստավայրերում և նախագահի վարչակազմում խուզարկություններ իրականացնելիս՝ կապված այդ վայրերի իրավական կարգավիճակի վերաբերյալ նախագահի անվտանգության ծառայության դիրքորոշման հետ:
