Հնդկաստանի զինված ուժերը լիակատար ազատություն ունեն՝ որոշելու Ջամու և Քաշմիրում ահաբեկչական հարձակմանը պատասխանելու եղանակը, նպատակը և ժամանակը, հայտարարել է վարչապետ Նարենդրա Մոդին անվտանգության բարձր մակարդակի հանդիպման ժամանակ։
«Զինված ուժերը օպերատիվ ազատություն ունեն Հնդկաստանի պատասխան գործողությունների մեթոդի, նպատակների և ժամկետների ընտրության հարցում: Մեր ազգային վճռականությունը ահաբեկչությանը ջախջախիչ հարված հասցնելն է»,- կառավարության ղեկավարի խոսքերն է մեջբերում PTI լրատվական գործակալությունը։
Հնդկաստանի վարչապետը լիակատար վստահություն է հայտնել երկրի զինված ուժերի մասնագիտական կարողություններին և խոստացել է հետապնդել ահաբեկիչներին և նրանց հովանավորներին մինչև «երկրի ծայրերը» և նրանց ենթարկել խիստ պատժի։
