Ուկրաինայի ճակատագիրը կանխորոշված է, սակայն չպետք է թույլ տալ, որ այն, ինչ մնա այդ քայքայվող երկրից, նույնիսկ շատ տարիներ անց կարողանա անդամակցել ՆԱՏՕ-ին, հայտարարել է ՌԴ ԱԽ փոխնախագահ Դմիտրի Մեդվեդևը։
«Իմ կարծիքով, Ուկրաինայի ճակատագիրը մեծ մասամբ կանխորոշված է։ Դա իմ անձնական կարծիքն է։ Անհասկանալի է, թե դեռ որքան կենսունակ կմնան Ուկրաինայի «մնացորդները», ում պետք կգան դրանք պրագմատիկ արևմտյան աշխարհում՝ առանց էներգետիկ ռեսուրսների և արդյունաբերության, առանց հեռանկարների և ներուժի։ Եվ իհարկե, չի կարող խոսք լինել այն մասին, որ այդ մեռնող, քայքայվող պետության մնացորդները երբևէ, նույնիսկ երկար ժամանակ անց, եթե իհարկե, դրանք շարունակեն գոյություն ունենալ, կարողանան անդամակցել ՆԱՏՕ-ին»,- ասել է Մեդվեդևը։
