Քրդական «Սիրիայի դեմոկրատական ուժերը» (SDF) ամրապնդել են իրենց դիրքերը և մեծացրել են պարեկության թիվը Սիրիայի արևելյան Դեյր էզ Զորում՝ «Իսլամական պետություն» ահաբեկչական խմբավորման հարձակումներին հակազդելու համար, ասվում է SDF-ի հայտարարության մեջ, որը հրապարակվել է սոցցանցերի իր պաշտոնական էջերում։
«Սիստեմատիկ ահաբեկչական գործողությունների համատեքստում մեր ուժերը տարբեր շրջաններում ուժեղացրել են իրենց անվտանգության միջոցառումներն ու պարեկությունը տարածաշրջանում՝ ահաբեկչական բջիջների ակտիվության աճի և Սիրիայում ահաբեկչական ակտիվության ընդհանուր աճի ֆոնին:
«Մասնավորապես, Դեյր էզ Զորում, որտեղ ԴԱԻՇ ահաբեկչական խմբավորումը ձգտում է հասնել ահաբեկչական գործողությունների կայուն մակարդակի՝ ուղղված ռազմական, վարչական օբյեկտներին և հասարակական միջոցառումներին»,- ասվում է հայտարարության մեջ։
Հաղորդագրության մեջ SDF-ը վերահաստատել է իր ուժերի պատրաստակամությունը հետապնդելու ահաբեկիչներին, ովքեր ձգտում են ապակայունացնել անվտանգությունն ու կայունությունը՝ ընդգծելով բոլոր հանգամանքներում բնակիչներին պաշտպանելու իր վճռականությունը:
