Չինաստանի արտաքին գործերի նախարարությունը կոչ է արել ԱՄՆ-ին հրաժարվել մաքսատուրքերի ճնշումից և երկխոսություն սկսել Պեկինի հետ՝ հավասարության և փոխադարձ հարգանքի հիման վրա։ Համապատասխան հայտարարությունն արել է Չինաստանի ԱԳՆ պաշտոնական ներկայացուցիչ Գու Ցզյակունը ճեպազրույցում։
«Եթե ԱՄՆ-ը ցանկանում է ներկայիս խնդիրը լուծել բանակցությունների միջոցով, ապա պետք է հրաժարվի սպառնալիքների և ճնշման քաղաքականությունից և երկխոսություն սկսի Չինաստանի հետ՝ հավասարության և փոխադարձ հարգանքի հիման վրա», - ասել է Չինաստանի ԱԳՆ խոսնակը։
