Հիրոսիմայի քաղաքապետ Կազումի Մացուին բողոքի նամակ է հղել ԱՄՆ ղեկավարությանը, որում հայտարարել է, որ Վաշինգտոնը ենթակրիտիկական միջուկային փորձարկում է իրականացրել։
«Պարզվեց, որ ձեր երկիրն այս ամսվա 14-ին ենթակրիտիկական միջուկային փորձարկում է իրականացրել Նևադայի միջուկային փորձարկումների զորավարժարանում։
Անցյալ մայիսին Հիրոսիմայում G7-ի գագաթնաժողովում «Մեծ յոթնյակի» երկրների ղեկավարները, ներառյալ ձերը, հայտարարեցին «Հիրոսիմայի տեսլականի» մասին՝ աշխարհին ուղերձ հղելով, որ իրենք հավատարիմ են միջուկային զենքից զերծ աշխարհ կառուցելուն: Պետք է ասել, որ ենթակրիտիկական միջուկային փորձարկումը, որն այս անգամ իրականացրել է ձեր երկիրը, հակասում է այս ուղերձին։ Ավելին, այս փորձարկումը հակասում է միջուկային զենքի վերացման կոչ անող շատերի ցանկություններին, այդ թվում՝ ատոմային ռմբակոծության ենթարկվածների, որոնք կոչ էին անում, որպեսզի «այլևս ոչ ոք ստիպված չլինի իրեն այդպիսի վիճակում զգալ» և սա չի կարելի հանդուրժել: Ատոմային ռմբակոծության ենթարկված Հիրոսիմա քաղաքի անունից մենք վճռականորեն բողոքում ենք և կոչ ենք անում կասեցնել ապագա միջուկային փորձարկումները։
Ձեր երկրի պատասխանատվությունն է խորապես հասկանալ մեկ ատոմային ռումբով առաջացած ատոմային ռմբակոծության իրականությունը և ատոմային ռումբից փրկվածների փորձը, ընդունել Հիրոսիմայի խաղաղության ձգտման ոգին, առաջնորդել միջուկային զինաթափման ջանքերը միջազգային հանրությունում և հասնել իսկապես միջուկային զենքից զերծ աշխարհի: Մենք ձեզ վճռական կոչ ենք անում ողջամիտ ջանքեր գործադրել խաղաղ աշխարհ կառուցելու համար»,- ասված է Հիրոսիմայի քաղաքապետի բողոքի նամակում։
