Իրանի հարավային Հորմոզգան նահանգի Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի զոհերի թիվը հասել է 46-ի, հայտնել է նահանգապետի արտակարգ իրավիճակների կառավարման վարչության ղեկավար Մեհրդադ Հասանզադեն։
Ավելի վաղ Իրանի իշխանություններն ու լրատվամիջոցները հայտնել էին 40 զոհերի և ավելի քան 1241 վիրավորների մասին։
«Շահիդ Ռաջայի նավահանգստում տեղի ունեցած պայթյունի զոհերի թիվը հասել է 46-ի»,- Հասանզադեի խոսքերն է մեջբերում Mehr գործակալությունը։
Շաբաթ կեսօրին Բանդար Աբբաս քաղաքի Շահիդ Ռաջայի նավահանգստում հզոր պայթյուն է որոտացել։ Իրանի կառավարության խոսնակ Ֆաթեմեհ Մոհաջերանին Fars գործակալությանը հայտնել է, որ դա տեղի է ունեցել քիմիական նյութերի պահեստում, սակայն դժվար է հստակ ասել, թե ինչն է դրա պատճառը:
