Առնվազն ութ մարդ է զոհվել Սանայում ԱՄՆ ավիահարվածների հետևանքով։ Այս մասին հայտնում է Al Masirah հեռուստաալիքը, որը վերահսկվում է Եմենի «Անսար Ալլահ» շարժման հութի ապստամբների կողմից։Ռմբակոծվել է երեք բնակելի շենք։ Զոհերի թվում կան կանայք և երեխաներ։
Տեղեկություններ կան նաեւ վիրավորների մասին, սակայն նրանց թիվը չի նշվում։Այն բանից հետո, երբ 2023 թվականին Գազայի հատվածում հակամարտությունը սրվեց, հութիները նախազգուշացրին, որ իրենք հրետակոծելու են Իսրայելի տարածքը և թույլ չեն տալու, որ իրենց հետ կապված նավերն անցնեն Կարմիր ծովի ջրերով և Բաբ էլ-Մանդեբի նեղուցով:
Հարձակումները դադարեցվեցին այն բանից հետո, երբ այս տարվա հունվարի կեսերին Պաղեստինի անկլավում հրադադար հայտարարվեց, սակայն մարտի սկզբին՝ զինադադարի տապալումից հետո, ապստամբները հայտարարեցին, որ վերսկսել են հարձակումները Կարմիր ծովում իսրայելական նավերի վրա, այնուհետև սկսել են կրկին հրթիռներով հարձակվել հրեական պետության թիրախների վրա:
