Մուսկատում իրանական պատվիրակությունը՝ արտգործնախարար Աբբաս Արաղչիի գլխավորությամբ, մեկնել է ամերիկացի ներկայացուցիչների հետ բանակցությունների վայր։ Այս մասին հայտնում է Իրանի պետական հեռուստատեսությունը։
ԱՄՆ-ի և Իրանի միջև անուղղակի բանակցությունների երրորդ փուլը տեղի կունենա Օմանի մայրաքաղաքում, որի իշխանությունները հանդես են գալիս որպես միջնորդ Իսլամական Հանրապետության միջուկային ծրագրի շուրջ ստեղծված ճգնաժամի կարգավորման գործընթացում։ Շաբաթ օրը նախատեսված են բարձր մակարդակի քաղաքական բանակցություններ, որոնք կսկսվեն փորձագետների հետ տեխնիկական խորհրդակցություններին զուգահեռ։
Քաղաքական բանակցություններում Իրանի պատվիրակությունը կգլխավորի Արաղչին, իսկ ամերիկյան պատվիրակությունը՝ նախագահի հատուկ բանագնաց Սթիվեն Ուիթքոֆը։ Պետքարտուղարության քաղաքականության պլանավորման տնօրեն Մայքլ Անտոնը կգլխավորի տեխնիկական խորհրդատվությունների փորձագիտական խումբը: Իրանը խորհրդակցական հանդիպմանը կներկայացնեն փոխարտգործնախարարներ Մաջիդ Թախտ-Ռավանչին և Քազեմ Ղարիբաբադին։
Մինչ այդ Արաղչին կհանդիպի Օմանի իր գործընկեր Բադր ալ Բուսաիդիի հետ։
