Պակիստանի բանակը Խայբեր Փախթունխվա նահանգի Բաննու շրջանում հակաահաբեկչական գործողության ընթացքում սպանել է առնվազն վեց զինյալի և վիրավորել չորսին։ Այս մասին ուրբաթ հայտնել է Geo հեռուստաալիքը՝ հղում անելով Իսլամական Հանրապետության զինված ուժերի միջծառայությունների հասարակայնության հետ կապերի (ISPR) ծառայությանը։
Դրա հաղորդմամբ՝ 2025 թվականի ապրիլի 23-ի լույս 24-ի գիշերը պակիստանցի զինվորականները գործողություն են իրականացրել՝ ծայրահեղականներից մաքրելու Բաննու թաղամասը։
Նրանց թիրախը երկրում արգելված «Ֆիթնա ալ-Խավարիջ» խմբավորման զինյալներն էին (նախկինում հայտնի էր որպես «Թեհրիկ-ի-Թալիբան Պակիստան» կամ Պակիստանի «Թալիբան շարժում», այն վերանվանվել էր 2024 թվականի հուլիսի վերջին՝ Իսլամական Հանրապետության կառավարության որոշմամբ):
Բախման ընթացքում վեց ահաբեկիչ է սպանվել, եւս չորսը վիրավորվել են։ Փոխհրաձգության շրջակայքի մաքրման գործողությունը շարունակվում է։
Ըստ ISPR-ի՝ զինծառայողների շրջանում զոհեր և վիրավորներ չկան։
