Հնդկաստանի և Պակիստանի զորքերը կրկին կրակ են բացել Ջամուի և Քաշմիրի հսկողության գծի երկայնքով: Այս մասին հայտնում է PTI գործակալությունը՝ հղում անելով բանակում իր աղբյուրին։
«Ապրիլի 25-ի լույս 26-ի գիշերը Պակիստանի բանակի տարբեր դիրքերից կրակոցներ են եղել Քաշմիրի վերահսկողության գծի երկայնքով», - ասել է աղբյուրը:
«Հնդկական զորքերը պատասխանել են համապատասխան փոքր զենքերի կրակոցներով»,- հավելել է նա։Զոհերի և վիրավորների մասին տեղեկություններ չկան։ Վերջին նման դեպքը տեղի է ունեցել ապրիլի 24-ի լույս 25-ի գիշերը։
Պակիստանի զինվորականները բարձր պատրաստության վիճակի են բերվել այն բանից հետո, երբ Հնդկաստանի իշխանությունները հայտարարել են, որ իրենք կհետապնդեն Պահալգամի հրաձգությանը մասնակցած ահաբեկիչներին, հայտնում է գործակալությունը:
