Չինաստանի նախագահ Սի Ծինփինը զանգահարել է ԱՄՆ նախագահ Դոնալդ Թրամփին՝ քննարկելու Սպիտակ տան առևտրային մաքսատուրքերը։ Այս մասին ամերիկացի առաջնորդը հայտարարել է Time ամսագրին տված հարցազրույցում։
«Սի Ծինփինը զանգել է։ Ես չեմ կարծում, որ սա նրա կողմից թուլության նշան է»,– նշել է Թրամփը։ Նա հավելել է, որ իրենք քննարկել են «առևտրային գործարքը»։
Լրագրողի այն հարցին, թե արդյոք Թրամփը նախ կզանգահարի Սի Ծինփինին, ԱՄՆ նախագահը բացասական պատասխան է տվել՝ միաժամանակ խուսափելով պատասխանելուց, թե արդյոք դա համարվում է թուլություն։
