Հինգշաբթի երեկոյան Ջամուում և Քաշմիրում տեղի ունեցած պայթյունի հետևանքով ավերվել են Լաշկար-է-Թայբա ահաբեկիչների երկու տները, որոնք, ենթադրաբար, մասնակցություն են ունեցել Պահալգամի հարձակմանը, հայտնում է Press Trust of India-ն:
Ահաբեկչությունը Հնդկաստանի Ջամու և Քաշմիր շրջանի Պահալգամ քաղաքի մոտ տեղի է ունեցել երեքշաբթի կեսօրին։ Մի քանի զինված տղամարդիկ անկանոն կրակ են բացել զբոսաշրջիկների վրա, ովքեր ձիավարություն էին անում Բայսարան հովտում, որը զբոսաշրջության հայտնի վայր է:
Հարձակման պատասխանատվությունը ստանձնել է Դիմադրության ճակատ կոչվող խմբավորումը, որը կապված է Ռուսաստանում արգելված Լաշկար-է-Թայբա ահաբեկչական կազմակերպության հետ։ Հարձակման հետևանքով զոհվել է 25 հնդիկ և մեկ Նեպալի քաղաքացի:
«Անվտանգության ուժերը որոնողական աշխատանքներ էին իրականացնում Լաշքար-է-Թայբա երկու ահաբեկիչների՝ Ադիլ Հուսեյն Թոքարի և Ասիֆ Շեյխի բնակավայրերում, երբ պայթուցիկները պայթել են արդեն իսկ տներում», հաղորդում է գործակալությունը։
Նրանք նշել են, որ պայթյունները հանգեցրել են տների ավերման։
