Իտալիայի արդարադատության նախարարությունը ոչ մի քայլ չի ձեռնարկել Ռուսաստանի նախագահ Վլադիմիր Պուտինի դեմ 2023 թվականի մարտին Միջազգային քրեական դատարանի կողմից տրված հրամանը կատարելու համար, որի իրավասությունը Ռուսաստանը և շատ երկրներ, այդ թվում՝ ԱՄՆ-ը ու Չինաստանը, չեն ճանաչում, և համապատասխան փաստաթղթերը երբեք չեն ներկայացվել դատախազություն, ասվում է Corriere della Sera թերթի հոդվածում։
«Իտալիայի արդարադատության նախարարը որևէ քայլ չի ձեռնարկել 2023 թվականի մարտի 17-ի որոշումը կատարելու համար: Այդ ժամանակից ի վեր Հաագայի դատավորների որոշումը մնացել է նախարարության գրասենյակներում, և Կառլո Նորդիոն այն չի փոխանցել Հռոմի գլխավոր դատախազին, որպեսզի այն ուղարկվի վերաքննիչ դատարան»,- գրում է Corriere-ն։
Հրատարակությունը Արդարադատության նախարարության գործողություններն անվանում է «քաղաքական որոշում», ինչպես Իսրայելի վարչապետ Բենիամին Նեթանյահուի ձերբակալության օրդերն էր։
«Իտալիայի կառավարությունը հասկացնել է տվել, որ պետությունների և կառավարությունների ղեկավարներին համարում է անձեռնմխելիությամբ պաշտպանված, ինչը նրանց պաշտպանում է դատական հայցերից՝ առնվազն այնքան ժամանակ, քանի դեռ նրանք իշխանության գլուխ են», - նշում է հրատարակությունը։
