Զելենսկիի այցը Հարավային Աֆրիկա կրճատվել է, և մի շարք նախատեսված միջոցառումներ չեն կայանա։ Այս մասին հայտնում է տեղական SABC ռադիոկայանը։
Պատճառը Կիևում ռազմական գործողությունների ընթացքի հետևանքով ստեղծված իրավիճակն է։ Հարավաֆրիկյան Հանրապետության արտաքին գործերի նախարարության պաշտոնական ներկայացուցիչ Քրիսպին Պիրին իր հերթին հայտնել է, որ այցի ժամանակացույցը վերանայվել է։
«Ամեն ինչ արագացված տեմպերով է ընթանում»,- նշել է նա։
Զելենսկին, ով Հարավային Աֆրիկա է ժամանել հինգշաբթի, նախագահ Սիրիլ Ռամաֆոսայի հետ բանակցություններն ավարտելուց անմիջապես հետո կվերադառնա։ Դրանք նախատեսված են տեղական ժամանակով 11:00-ին:
