Մոսկվան իրեն իրավունք է վերապահում օգտագործել միջուկային զենք արեւմտյան երկրների կողմից ագրեսիայի դեպքում։ Այս մասին ՏԱՍՍ-ին տված հարցազրույցում հայտարարել է ՌԴ Անվտանգության խորհրդի քարտուղար Սերգեյ Շոյգուն։
«2024 թվականի նոյեմբերին փոփոխություններ են կատարվել միջուկային զսպման ոլորտում Ռուսաստանի Դաշնության պետական քաղաքականության հիմունքներում, որոնց համաձայն Ռուսաստանը իրեն իրավունք է վերապահում օգտագործել միջուկային զենք իր կամ Բելառուսի Հանրապետության դեմ ագրեսիայի դեպքում, այդ թվում՝ սովորական զենքի կիրառմամբ»,- ասել է նա։
Ռուսաստանը, ըստ Շոյգուի, «ուշադրությամբ հետեւում է եվրոպական երկրների ռազմական պատրաստությանը»։
«Ռուսաստանի Դաշնության Ազգային անվտանգության ռազմավարության համաձայն՝ օտարերկրյա պետությունների կողմից անբարյացակամ գործողություններ կատարելու դեպքում, որոնք վտանգ են ներկայացնում Ռուսաստանի Դաշնության ինքնիշխանության և տարածքային ամբողջականության համար, մեր երկիրը օրինական է համարում սիմետրիկ և ասիմետրիկ միջոցների ձեռնարկումը, որոնք անհրաժեշտ են նման գործողությունները ճնշելու և դրանց կրկնությունը կանխելու համար:
