ԱՄՆ նախագահ Դոնալդ Թրամփը հայտարարել է, որ ԱՄՆ-ը և Չինաստանը առևտրային հարցերի շուրջ ամենօրյա կապի մեջ են։ Թրամփը Սպիտակ տանը պատասխանել է լրագրողների հարցերին։ Նրան հարցրել են, թե արդյոք Վաշինգտոնի և Պեկինի միջև ուղղակի շփումներ են եղել առևտրային հարցերի շուրջ։
«Ամեն օր»,- ասել է նա։
Երեքշաբթի Թրամփը հայտարարել է, որ ԱՄՆ-ը կնվազեցնի Չինաստանից ապրանքների մաքսատուրքերը, բայց, ամեն դեպքում, մաքսատուրքերը զրոյական չեն լինի։ Չորեքշաբթի նա նշել է, որ սակագների նվազեցման ժամկետները կախված կլինեն Պեկինի գործողություններից։
Ամերիկացի առաջնորդը նաև ասել է, որ ԱՄՆ-ը ակտիվորեն բանակցում է Չինաստանի հետ երկկողմ առևտրի և մաքսատուրքերի շուրջ, և որ այդ երկխոսությունը լավ է ընթանում։
