Իսրայելի կողմից մղվող պատերազմը սրվում է Գազայի հատվածում և Հորդանան գետի Արևմտյան ափին։ Այս մասին ասվում է Պաղեստինի կառավարության հաղորդակցության կենտրոնի հրապարակած զեկույցում։
«Գազայի հատվածում և Հորդանան գետի Արևմտյան ափում Իսրայելի ցեղասպանական պատերազմը պաղեստինցի ժողովրդի դեմ սրվում և թեւակոխում է նոր մահացու փուլ»,-փաստաթղթում մեջբերում է պաղեստինյան WAFA լրատվական գործակալությունը։
2025 թվականի մարտի 18-ից ի վեր, երբ հրադադարը խզվեց, Իսրայելը Գազայի հատվածում սպանել է 1827 պաղեստինցի և վիրավորել ևս 4828-ին՝ համաձայն կառավարության տվյալների։
Բացի այդ, ավելի քան 420,000 մարդ բռնի տեղահանվել է։«Առողջապահական համակարգը ավերվել է, 2 միլիոն պաղեստինցիներ այժմ ամբողջովին կախված են մարդասիրական օգնությունից, որը Իսրայելի կողմից թույլ չի տալիս Գազայի հատված մտնել»,- ընդգծվում է զեկույցում։
