Աբխազիան ամբողջովին հոսանքազրկվել է վրացական էլեկտրացանցում տեղի ունեցած վթարից հետո, հայտնում է Chernomorenergo ընկերությունը Telegram-ի իր ալիքում։
«Վրացական էներգահամակարգում վթար է տեղի ունեցել, որի հետեւանքով Աբխազիայի ողջ էներգահամակարգը մնացել է առանց հոսանքի»,- ասվում է հաղորդագրության մեջ։
«Sputnik Near Abroad»-ն իր Telegram ալիքում պարզաբանել է, որ Աբխազիայի համար էլեկտրաէներգիայի հիմնական աղբյուրը Ինգուրի հիդրոէլեկտրակայանն է։ Ավելին, կայանի ամբարտակը գտնվում է Վրաստանի կողմից վերահսկվող տարածքում։
Ավելի վաղ՝ ապրիլի 9-ին, խոշոր վթարի պատճառով Վրաստանը հոսանքազրկվել էր։ Բացի այդ, սոցիալական ցանցերում էլեկտրաէներգիայի բացակայությունից բողոքել են Քութայիսիի, Բաթումիի, Զուգդիդիայի և Գորիի բնակիչները։
