Ընտանիքի և սոցիալական ծառայությունների նախարար Մահինուր Օզդեմիր Գյոքթաշը հայտարարել է, որ Թուրքիան գտնվում է բնակչության աճի նվազման «տագնապալի մակարդակում» և կարող է բախվել բանակում ծառայելու համար երիտասարդ տղամարդկանց պակասի։
«Այսօր մենք տագնապալի մակարդակի վրա ենք՝ մեր ծնելիությունը 1,51 է, բնակչության ինքնավերականգնման ցուցանիշը 2,1 է, Թուրքիան այս պահին չի կարող իրեն «թարմացնել», մենք ծերանում ենք։
Սա կապված է բազմաթիվ ասպեկտների հետ՝ արտադրությունից մինչև զբաղվածություն և առողջապահություն: Միգուցե մենք չկարողանանք երիտասարդ տղաների գտնել բանակ ուղարկելու համար։
2050 թվականին մեր բնակչությունը կհասնի իր առավելագույն մակարդակին և կսկսի նվազել»,- նախարարի խոսքերն է մեջբերում Milliyet թերթը։
Ընտանիքի և սոցիալական ծառայությունների նախարարի խոսքով՝ Թուրքիայի բնակչության մեջ 65 տարեկանների համամասնությունը գերազանցել է 10%-ը։
