Փարիզում Ֆրանսիայի և Մեծ Բրիտանիայի իշխանությունների հետ բանակցություններից հետո ԱՄՆ պետքարտուղար Մարկո Ռուբիոն ասել է, որ Ֆրանսիան, Մեծ Բրիտանիան և Գերմանիան կարող են օգնել Ուկրաինայի հակամարտության կարգավորմանը։
ավելի մոտենալ համաձայնության հասնելուն»:
«Բանակցությունները շատ օգտակար և կառուցողական էին»,- ասել է նա լրագրողներին Ֆրանսիայի Լե Բուրժե օդանավակայանում։ «Ֆրանսիան, Մեծ Բրիտանիան և Գերմանիան կարող են օգնել մեզ, ավելի մոտենալ համաձայնության հասնելուն»:
Ռուբիոյի խոսքով՝ Սպիտակ տունը մշտական կապի մեջ է Լոնդոնի և Փարիզի հետ կարգավորման հարցում։ «Մենք ողջունում ենք նրանց ներդրումն ու մասնակցությունը և կարծում ենք, որ սա կարևոր աշխատանք է»,- եզրափակել է նա։
Ապրիլի 17-ին Ֆրանսիայի նախագահ Էմանուել Մակրոնը Փարիզում հանդիպել է Ռուբիոյի և ԱՄՆ նախագահի հատուկ բանագնաց Սթիվեն Ուիթքոֆի հետ։ Ելիսեյան պալատի տվյալներով՝ «կառուցողական բանակցությունները» օգնել են «մերձեցնել դիրքորոշումները» Ուկրաինայի հակամարտության կարգավորման հարցում։
