ԱՄՆ-ը և Ուկրաինան փոխըմբռնման հուշագիր են ստորագրել Վաշինգտոնի և Կիևի միջև ռեսուրսների գործարքի շուրջ բանակցությունների շրջանակում, և համաձայնագրի ստորագրումը կարող է տեղի ունենալ հաջորդ շաբաթ: Այս մասին հայտնում է բրիտանական Financial Times թերթը։
«Պաշտոնյաները նշել են, որ հուշագիրը «գործնականում» ստորագրվել է, և նրանք հույս ունեն վերջնականապես ավարտել տնտեսական համաձայնագիրը մինչև հաջորդ շաբաթվա վերջ»,- գրում է թերթը։
Ինչպես նշել է Ուկրաինայի փոխվարչապետ Յուլիա Սվիրիդենկոն, ամբողջական համաձայնագիրը «հնարավորություններ կբացի զգալի ներդրումների, ենթակառուցվածքների արդիականացման և Ուկրաինայի և Միացյալ Նահանգների միջև փոխշահավետ գործընկերության համար»:
