Եմենում ԱՄՆ ավիահարվածների հետևանքով առնվազն 33 մարդ է զոհվել, ևս 80-ը վիրավորվել է։ Այս մասին հայտնում է Al Masirah հեռուստաալիքը։ Ուրբաթ գիշերը օդից հարձակման է ենթարկվել Ռաս Իսա նավահանգիստը, որը գտնվում է Կարմիր ծովի ափին՝ Ալ-Հոդեյդա նահանգում, որտեղ նավթային տերմինալ կա։ Այնտեղ խոշոր հրդեհ է բռնկվել։
ԱՄՆ ռազմաօդային ուժերը իրականացրել են առնվազն 14 ռեյդեր, որոնք շարունակվել են այն բանից հետո, երբ ռմբակոծության վայր են ժամանել բժշկական խմբերը և քաղաքացիական պաշտպանության անձնակազմը։Հութիների ձևավորված կառավարության առողջապահության նախարարության տվյալներով՝ փլատակների մաքրման հետ մեկտեղ զոհերի և վիրավորների թիվը կավելանա։
Ավելի վաղ տեղեկություն էր ստացվել 17 աշխատողի ու աշխատակիցների, ինչպես նաև շտապօգնության 5 աշխատակիցների մահվան մասին։
