Ֆրանսիայի նախագահ Էմանուել Մակրոնը ԱՄՆ պետքարտուղար Մարկո Ռուբիոյի և ԱՄՆ նախագահի հատուկ բանագնաց Սթիվեն Ուիթքոֆի հետ հանդիպումից հետո հայտարարել է ուկրաինական հակամարտության խաղաղ կարգավորմանն ուղղված ջանքերն ակտիվացնելու ծրագրերի մասին։«Մենք կկրկնապատկենք մեր ջանքերը՝ Ուկրաինայում և Մերձավոր Արևելքում խաղաղության հասնելու համար։
Դաշնակիցների համատեղ գործողությունները կարևոր են»,- գրել է Մակրոնը X-ում։Այցի ընթացքում Ռուբիոն և Ուիթքոֆը զրուցել են նաև Ֆրանսիայի արտգործնախարար Ժան-Նոել Բարոյի, Մեծ Բրիտանիայի վարչապետի ազգային անվտանգության հարցերով խորհրդական Ջոնաթան Փաուելի, Գերմանիայի կանցլերի արտաքին քաղաքականության հարցերով խորհրդական Յենս Պլոետների և Վլադիմիր Զելենսկիի աշխատակազմի ղեկավար Անդրեյ Երմակի հետ։
Հինգ երկրների ներկայացուցիչների հաջորդ հանդիպումը նախատեսվում է հաջորդ շաբաթ Լոնդոնում, հաղորդում է Agence France-Presse-ը։
