Ռուսաստան կատարած այցի ժամանակ Կատարի էմիր Թամիմ բեն Համադ Ալ Թանին ՌԴ նախագահ Վլադիմիր Պուտինին ասել է, որ բարձր է գնահատում Ռուսաստանի հետ հարաբերությունների մակարդակը։
«Մենք բարձր ենք գնահատում Ռուսաստանի հետ մեր հարաբերությունների մակարդակը, խոսել ենք դրանք զարգացնելու ուղիների մասին, կան նախագծեր, կան առաջարկներ, որոնք նախատեսում ենք շուտով քննարկել և իրականացնել, և մի շարք պայմանագրեր նույնպես կստորագրվեն, մենք հիանալի անձնական հարաբերություններ ունենք։
Դուք նշեցիք, որ ապրանքաշրջանառությունը դեռ չի համապատասխանում մեր համագործակցության մակարդակին։ Ես համաձայն եմ Ձեզ հետ։ Համատեղ հանձնաժողովը քննարկում է հարաբերությունների ամրապնդման եւ ապրանքաշրջանառության մակարդակի բարձրացման ուղիները»,- ասել է էմիրը Պուտինի հետ հանդիպման ժամանակ։
