Էկվադորի ներկայիս նախագահ Դանիել Նոբոան, ով հաղթել է երկրի նախագահական ընտրություններում, ասել է, որ կցանկանար համագործակցել ԱՄՆ զինված ուժերի հետ և բաց է երկրի տարածքում օտարերկրյա ռազմաբազաներ տեղակայելու համար։
«Մենք կցանկանայինք համագործակցել ԱՄՆ-ի բանակի հետ, և ես կարծում եմ, որ կան բազմաթիվ եղանակներ, որոնց մենք կարող ենք դա անել: Մենք կցանկանայինք, որ ԱՄՆ զինվորականները մեզ օգնեն այստեղ, քանի որ դրա կարիքը ունենք»,- ասել է Նաբոան՝ մատնանշելով «անդրազգային խնդիրները», ինչպիսիք են կարտելները և թմրամիջոցների ապօրինի շրջանառությունը:
Մասնավորապես, նրա խոսքերով, ամերիկյան ուժերը կարող են ներգրավվել Էկվադորից դուրս անօրինական գործողությունների մոնիտորինգում: Նա նշել է, որ Էկվադորի զինվորականներն ու ոստիկանությունը պետք է վերահսկեն գործողությունները։
Նաբոան նաև հասկացնել է տվել, որ բաց է երկրի տարածքում օտարերկրյա ռազմակայաններ հյուրընկալելու գաղափարի համար։ Նրա կարծիքով՝ դա «կնպաստի Էկվադորում խաղաղությանը»։
