Վենեսուելայի նախագահ Նիկոլաս Մադուրոն «կեղծիք» է անվանել Էկվադորի նախագահական վերջին ընտրությունները, որոնցում հաղթել է գործող առաջնորդ Դանիել Նոբոան։
«Միացյալ Նահանգների կայսրության հեգեմոնիան ուժով պարտադրելու փորձեր կան, սա կրկին լուրջ վտանգ է ներկայացնում»,- ասել է նա նախագահի YouTube ալիքով հեռարձակված ելույթի ժամանակ։
«Նրանք մտադիր են ուժով պարտադրել իրենց քաղաքական գերակայությունը, ինչպես դա արեցին Էկվադորում, սարսափելի խարդախության միջոցով»: Ինչպես նշել է Venezolana de Televisión հեռուստաալիքը, Մադուրոն այսպիսով մեկնաբանել է Էկվադորում տեղի ունեցած նախագահական ընտրությունները։
