Թեհրանը պաշտոնապես կհայտարարի ԱՄՆ-ի հետ բանակցությունների հաջորդ փուլի անցկացման վայրը միայն Օմանի հետ խորհրդակցելուց հետո։ Այս մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային։
Մենք կորոշենք հաջորդ բանակցությունների վայրը, երբ պատասխան ստանանք Օմանի կողմից:
«Ինչպես ասել է արտգործնախարար Աբբաս Արաղչին, բանակցությունների հաջորդ փուլը կարող է չկայանալ Օմանում: Մենք կորոշենք հաջորդ բանակցությունների վայրը, երբ պատասխան ստանանք Օմանի կողմից:
Այնուհետև մենք պաշտոնապես կհայտարարենք այդ մասին»,- ասել է Բաղային մամուլի ասուլիսի ժամանակ։ Նրա խոսքով՝ Իրանի համար կարևոր չէ, թե կոնկրետ որտեղ կկայանան բանակցությունները, կարևորն այն է, որ ձևաչափը մնա նույնը, իսկ Մուսկատը կշարունակի միջնորդի դեր կատարել։
