Մոլդովայի կազմում Գագաուզների ինքնավարության ղեկավար Եվգենիա Գուցուլի պաշտպանությունը բողոք կներկայացնի Մարդու իրավունքների եվրոպական դատարան (ՄԻԵԴ)՝ կապված Գուցուլի կալանավորման և ձերբակալության ժամանակ խախտումների հետ, ՌԻԱ Նովոստիին հայտնել է նրա փաստաբան Նատալյա Բայրամը։
Քիշնեւի դատարանը նախկինում Գուցուլի խափանման միջոցը փոխել էր տնային կալանքի, սակայն դատախազությունը վիճարկել էր այս որոշումը՝ բողոք ներկայացնելով։
Առաջին ատյանի դատարանի որոշումը վիճարկեցին նաեւ փաստաբանները, որոնք այն անվանեցին անհիմն ու չափից դուրս խիստ։
