Անկարայի և Վաշինգտոնի իշխանությունները մշակում են հունիսին Սպիտակ տանը Թուրքիայի և ԱՄՆ նախագահներ Ռեջեփ Թայիփ Էրդողանի և Դոնալդ Թրամփի հանդիպումը անցկացնելու պլանի վրա, հայտնում է կառավարամետ Hürriyet թերթը՝ հղում անելով աղբյուրներին։
CNN-ի լրագրողը, վկայակոչելով Սպիտակ տան աղբյուրները, ապրիլի 10-ին հայտնել է, որ ամերիկացի առաջնորդը հաջորդ ամիս կարող է այցով մեկնել Թուրքիա, Սաուդյան Արաբիա, Քաթար և ԱՄԷ։
Սակայն ճամփորդության հետ կապված վերջնական որոշում դեռ չկա, նշում են CNN-ի աղբյուրները։ Թուրքիայի նախագահի վարչակազմի աղբյուրը ապրիլի 11-ին ՌԻԱ Նովոստիին հայտնել է, որ Թրամփի՝ Թուրքիա այցելելու հավանականություն կա, սակայն կոնկրետ ժամկետներ չեն որոշվել։
