Եվրամիությունը կհայտարարի Պաղեստինին 1,6 միլիարդ եվրոյի օգնության փաթեթի մասին, գրում է բրիտանական Financial Times թերթը՝ վկայակոչելով Միջերկրական ծովի հարցերով եվրահանձնակատար Դուբրավկա Շուիցայի հայտարարությունը։
Ապրիլի 12-ին ԵՄ բարձրաստիճան դիվանագետի և հումանիտար և միջերկրածովյան հարցերով եվրահանձնակատարների համատեղ հայտարարության մեջ ասվում է, որ ինտեգրացիոն ասոցիացիան անհանգստացած է Գազայի հատվածում հումանիտար իրավիճակով և կոչ է անում Իսրայելին դադարեցնել պաղեստինյան անկլավի շրջափակումը և թույլ տալ վերսկսել մարդասիրական օգնությունն այնտեղ։
«ԵՄ-ն մտադիր է 1,6 միլիարդ եվրո հատկացնել Պաղեստինին աջակցելու համար: Բրյուսելը կհայտարարի 1,2 միլիարդ եվրոյի դրամաշնորհների և մինչև 400 միլիոն եվրոյի վարկերի նոր փաթեթի մասին՝ Եվրոպական ներդրումային բանկից և Պաղեստինի ինքնավարության կայուն զարգացման եվրոպական հիմնադրամից», - մեջբերում է հրատարակությունը Շուիցայի խոսքերը։
