Արգենտինայի, Պարագվայի և Պերուի կառավարությունները շնորհավորել են Էկվադորի նախագահ Դանիել Նոբոային վերընտրվելու կապակցությամբ։
«Մենք հեռախոսով խոսեցինք նորընտիր նախագահ Դանիել Նոբոայի հետ: Ես շնորհավորեցի նրան հաղթանակի կապակցությամբ և հաստատեցի մեր ցանկությունը միասին աշխատել ի շահ մեր ժողովուրդների»,- գրել է Պարագվայի նախագահ Սանտյագո Պենյան X սոցիալական ցանցում:
Արգենտինայի անունից Նոբոային հաղթանակի կապակցությամբ շնորհավորել է երկրի արտաքին գործերի նախարարությունը։
«Արգենտինան վերահաստատում է իր ցանկությունը՝ շարունակելու ամրապնդել երկկողմ հարաբերությունները՝ հիմնված ընդհանուր արժեքների վրա, ինչպիսիք են ազատությունը, օրենքի գերակայությունը և հիմնարար իրավունքների պաշտպանությունը», - ասվում է նախարարության հայտարարության մեջ։
Բուենոս Այրեսը նաև պատրաստակամություն է հայտնել համագործակցել կազմակերպված հանցավորության և թմրամիջոցների ապօրինի շրջանառության դեմ պայքարում։
