Իսրայելը պնդում է, որ ԱՄՆ նախագահ Դոնալդ Թրամփի վարչակազմը ռազմական սցենար դիտարկի՝ միջուկային ծրագրի շուրջ Իրանի հետ բանակցությունների ձախողման դեպքում հարցը լուծելու համար, հայտնում է Axios պորտալը։Պորտալի աղբյուրների համաձայն՝ Սպիտակ տան հատուկ բանագնաց Սթիվեն Ուիթքոֆը Իսրայելի ռազմավարական պլանավորման նախարար Ռոն Դերմերին տեղեկացրել է Մուսկատում (Օման) իրանցի պաշտոնյաների հետ բանակցությունների առաջին փուլի արդյունքների մասին։
Ըստ Axios-ի՝ Իսրայելը «խիստ թերահավատորեն» է վերաբերվում իրանական միջուկային ծրագրի շուրջ համաձայնության գալու հավանականությանը:
Թեհրանն, իր հերթին, մտահոգություն է հայտնել, որ Վաշինգտոնը կարող է կրկին դուրս գալ դրանից, ինչպես դա արեց 2018 թվականին։
Աղբյուրները նշում են, որ Ուիթքոֆը նաև քննարկել է բանակցությունների առաջին փուլը Պարսից ծոցի երկրների պաշտոնյաների հետ, մինչդեռ Իրանի արտգործնախարար Աբբաս Արաղչին Կատարի, Քուվեյթի և Եգիպտոսի իր գործընկերներին ներկայացրել է արդյունքները:
