Թուրքիայի ընդդիմությունը հայտարարել է, որ հավաքել է ավելի քան 10 միլիոն ստորագրություն՝ ի պաշտպանություն արտահերթ նախագահական ընտրությունների և բանտարկված քաղաքապետ Էքրեմ Իմամօղլուի ազատ արձակման։ Այս մասին հայտարարել է գլխավոր ընդդիմադիր Ժողովրդահանրապետական կուսակցության առաջնորդ Օզգուր Օզելը՝ Սամսուն նահանգում տեղի ունեցած հանրահավաքում, հայտնում է Halk TV-ն։
«Շաբաթ երեկոյան արտահերթ ընտրությունների անցկացման օգտին ստորագրությունների թիվը գերազանցել է 10 միլիոնը, սակայն մենք ավելի մեծ նպատակ ունենք, և միասին կձգտենք հասնել դրան», - մեջբերում է նրա խոսքերը հեռուստաալիքը։
Թուրքիայում նախագահական ընտրությունները նախատեսված են 2028 թվականին, սակայն ընդդիմությունը պահանջում է արտահերթ ընտրություններ անցկացնել։
