Ռուսաստանի և ԱՄՆ-ի միջև ընթացող բանակցային գործընթացը արդյունավետորեն առաջ է ընթանում և կարող է հանգեցնել ամերիկյան պատժամիջոցների չեղարկմանը։ ՏԱՍՍ-ի հետ զրույցում նման կարծիք է հայտնել ամերիկացի տնտեսագետ, Կոլումբիայի համալսարանի (Նյու Յորք) Կայուն զարգացման կենտրոնի տնօրեն, պրոֆեսոր Ջեֆրի Սաքսը, ով մասնակցում է Անթալիայի դիվանագիտական ֆորումին (ADF2025)։
«Կարծում եմ, որ ԱՄՆ-ի և Ռուսաստանի միջև ընթացող բանակցությունները կարող են շատ արդյունավետ լինել: Հույս կա, միանշանակ: Կարծում եմ, որ ամեն ինչ ճիշտ ուղղությամբ է ընթանում, որպեսզի իրականում չեղարկվեն Ռուսաստանի դեմ ԱՄՆ պատժամիջոցները»,-ասել է Սաքսը:
Նա նաև հավելել է, որ Ռուսաստանի համար մեծ ռիսկեր չի տեսնում մաքսատուրքերի հարցում ԱՄՆ նախագահ Դոնալդ Թրամփի քաղաքականությունից։
«Այսպես կոչված Թրամփի սակագնային պատերազմները մեծ խնդիր չեն լինի Ռուսաստանի համար, քանի որ այն ուղղակի և ուժեղ ազդեցություն չի ունենա Ռուսաստանի վրա»,-հավելել է տնտեսագետը։
