ԱՄՆ նախագահ Դոնալդ Թրամփը բաց է Չինաստանի հետ առևտրային գործարքի համար։ Սպիտակ տան մամուլի քարտուղար Քերոլայն Լևիտը լրագրողների համար հերթական ճեպազրույցում ասել է այս մասին՝ մեկնաբանելով Պեկինի դեմ Վաշինգտոնի ներմուծման մաքսատուրքերի կտրուկ բարձրացումը և նրա պատասխան քայլերը։
«Նախագահը շատ հստակ ասել է, որ բաց է Չինաստանի հետ գործարքի համար»,-ասել է ԱՄՆ առաջնորդի խոսնակը։
«Նա լավատես է», - ավելացրեց Լևիտը ՝ նկատի ունենալով Թրամփի՝ Չինաստանի և Միացյալ Նահանգների առևտրային գործարքի հասնելու հեռանկարները:
«Եթե Չինաստանը շարունակի հակահարված տալ, դա լավ չի լինի Չինաստանի համար»,- ասել է Սպիտակ տան պաշտոնյան։
