Չինաստանը հետևողականորեն դիտել է Եվրամիությունը որպես կարևոր քաղաքական և տնտեսական ուժ բազմաբևեռ աշխարհում: Այս մասին հայտարարել է Չինաստանի նախագահ Սի Ծինփինը Պեկինում Իսպանիայի վարչապետ Պեդրո Սանչեսի հետ հանդիպմանը։
«Չինաստանը միշտ համարել է ԵՄ-ն որպես կարևոր բևեռ բազմաբևեռ աշխարհում»,- Սի Ծինփինի խոսքերն է մեջբերում Չինաստանի կենտրոնական հեռուստատեսությունը։ «Մենք խոշոր երկիր ենք, որը բացահայտորեն աջակցում է ԵՄ-ի միասնությանը, զարգացմանն ու աճին»։
Չինաստանի ղեկավարը նշել է, որ Չինաստանը և Եվրոպան պետք է հավատարիմ մնան իրենց գործընկերությանը և շարունակեն բաց համագործակցությունը։ Պեկինը պատրաստ է զարգացնել Չինաստան-ԵՄ հարաբերությունները, որպեսզի ավելի մեծ օգուտներ բերի երկու կողմերին և միջազգային հանրությանը, հավելել է նա։
Սի Ծինփինը նշել է, որ Չինաստանը ցանկանում է ամրապնդել համապարփակ ռազմավարական գործընկերությունը Իսպանիայի հետ՝ բարելավելու երկու ժողովուրդների բարեկեցությունը, խթան ներարկել Չինաստան-ԵՄ հարաբերություններին և ավելի մեծ ներդրում ունենալ գլոբալ զարգացման մեջ:
