Չինաստանի նախագահ Սի Ծինփինը ապրիլի 14-18-ը պետական այցեր կկատարի Վիետնամ, Մալայզիա և Կամբոջա։ Այս մասին հայտնում է Չինաստանի արտաքին գործերի նախարարությունը։
Սի Ծինփինը ապրիլի 14-15-ը կայցելի Հանոյ՝ Վիետնամի Կոմկուսի Կենտկոմի գլխավոր քարտուղար Լամի և Հանրապետության նախագահ Լուոնգ Կուոնգի հրավերով, ասվում է Չինաստանի ԱԳՆ կայքում տեղադրված հաղորդագրության մեջ։Ապրիլի 15-18-ը ՉԺՀ-ի ղեկավարը Մալայզիայի թագավոր Իբրահիմի և Կամբոջայի թագավոր Նորոդոմ Սիհամոնիի հրավերով կայցելի Կուալա Լումպուր և Պնոմպեն։
Վիետնամը, Մալայզիան և Կամբոջան Հարավարևելյան Ասիայի պետությունների ասոցիացիայի (ASEAN) անդամ են, որոնց հետ Չինաստանի ապրանքաշրջանառությունը 2024 թվականին 2023 թվականի համեմատ աճել է 7,8%-ով և կազմել 982,33 մլրդ դոլար։ Վիետնամը Չինաստանի հիմնական գործընկերն է համայնքային երկրների շարքում, որը կազմում է Չինաստանի հետ ASEAN-ի ապրանքաշրջանառության մոտ 27%-ը (260,65 մլրդ դոլար):
